Чудесни автомобили

3-во-1: УЧЕЊЕ, БОЕЊЕ И ИГРАЊЕ!
Вашиот личен 3D возен парк со автомобили кои изгледаат како вистински и се управуваат со Вашиот смартфон!

„Чудесни автомобили“ е многу повеќе од обична боенка. Во оваа смарт боенка ќе можете да научите за модерните модели на автомобили, но и да ги управувате со Вашиот смартфон или таблет. Инсталирајте ја апликацијата «3D Cool Cars» за да можете да ги возите автомобилите кои се наоѓаат во оваа боенка. Со помош на апликацијата специјално дизајнираните страници од оваа боенка ќе се претворат во подземна гаража каде има паркирано 3D автомобил кој изгледа исто како вистински! Користејќи го Вашиот смартфон или таблет ќе можете да го управувате автомобилот низ страниците на боенката, но и надвор од неа!

Апликацијата за смартфони и таблети може да се користи на Андроид (4.0 или понов), како и на iPhone (4 или понов), и iPad (2 или понов).

Упатство за инсталирање на апликацијата

1. За да ја пронајдете апликацијата за Android, iPhone или iPad, скенирајте го QR кодот кој се наоѓа на левата страна или побарајте ја апликацијата «3D Cool Cars» на Google Play (за Android) или App Store (за iPhone и iPad).

2. Инсталирајте ја апликацијата на Вашиот уред. 

3. Кога ќе ја вклучите апликацијата првпат, од менито одберете ја опцијата Play и внесете го кодот кој се наоѓа под грепката (вклучувајќи ги и цртичките помеѓу карактерите). За активација на кодот ќе Ви биде потребен интернет. Секој код може да се искористи најмногу на 3 уреди. 

4. Откако ќе биде активиран кодот поставете ја боенката на рамна површина и насочете ја камерата од смартфонот или таблетот кон која било слика од гаража во боенката. Кога виртуелната гаража ќе се појави на екранот, допрете ја за да ја отворите, по што ќе може да започнете со возењето на автомобилот.

Материјалите се изработени по лиценца на BluEGG LLC, Москва, Русија. Апликациите се достапни само на територијата на Р. Северна Македонија и во земјите на партнерите на BluEGG LLC. Издавачот не гарантира за перформансите на мобилната апликација на сите мобилни телефони и таблети, ниту сноси одговорност за неправилно ракување со истите. Кодот за активација е генериран за секој примерок од боенката посебно и од страна на издавачот се преземени сите мерки за негова заштита. Доколку кодот е оштетен при процесот на транспорт или при негово неправилно користење, издавачот не сноси никаква одговорност.